My home town

السلام عليكم .... اليوم جايب معاي صور لي اغلى مدينة عندي مدينة غريان ( مسقط راسي ) .... طبعا غريان تقع على 88 كيلومتر جنوب مدينة طرابلس ... و طبعا احلى حاجه في غريان طبيعتها ... لانها منطقيه جبلية ...و نخليكم مع الصور ...و ان شاء الله تنال اعجابكم

الصور هذي بما يعرف بحوش الحفر و هو منزل تحت الارض مصنوع من الارض ( من الطين ) و يتميز انه في فصل الشتاء يكون

دافي و في الصيف يكو بارد ... و هذي الصور

و ان شاء الله الصور نالت اعجابكم .... سلامات

The pretty libya

السلام عليكم .... هذه اول مدونه ليا هنا و ان شاء الله تنال اعجابكم .... و حبيت نحط مدونه حلوه ... و مالقيت خير من ليبيا الحق .... وطني الحبيب اللي الواحد عاش فيه و يعيش فيه و يموت فيه في يوم من الايام .



يعني احنا عايشين في ليبيا و مانعرفوش شن فيها و شن ما فيهاش من مناضر جميل .... و جايب معاي اليوم بعض الصور لي بعض الامكان .... و حبيت ندير اول مجموعه عن الصحراء الليبيه ... و اول مجموعه من الصور عن الصحراء الليبيه رح تكون على واو الناموس .


هذة منطقة واو الناموس تسحر الناس بجمالها

مناظر طبيعية تسحر القلوب وتأخذ الالباب

هكذا الحال من يزورها

توجد فى بطن الصحراء الليبية

منطقة اشبه بسطح القمر

من اغرب المناظر

الموجودة فى كوكب الارض

واو الناموس

منطقة اخذت اسمها على حين غفلة

ولم تستشر احدا به وكذلك لم تخبر احدا عنه

عبارة عن جبل بركانى

وارض لونها اشبه بسطح القمر

ومن حوليه ثلاث بحيرات على شكل هلالية

هذه هى ليبيا

تتميز بتنوع الاثار و طبيعة الارض

وليبيا ألوان فمن البحر الأبيض إلى الجبل الأخضر

إلى الهاروج الاسود إلى الحمادة الحمراء

اترك لكم الصور تخبر عن نفسها


















ان شاء الله الصرو نالت اعجابكم ...... و نلتقي مره تانيه في مكان تاني مع صور جديد ..... سلامات